Veñen os Reis

Xa pasou polo noso cole o mais tempraneiro dos Magos: Melchor. Mentres agardamos que cheguen tamén os outros dous, deixámosvos ver as caras dos nosos cativos nese encontro, o último día antes das vacacións. Hainas de risa e de medo; algúns cóntanlle moitas cousas a Melchor e a outros fáltalles  tempo para botar a correr... cousas dos nervios.

NOVA EDICIÓN DE DON MOUCHO

Aquí vos deixamos a nova edición do xornal Don Moucho. 

 Esperamos que sexa do voso interese.

Open publication - Free publishing - More revista

ACTIVIDADES DE NADAL

Estas son algunhas das actividades de Nadal que fixemos.
Haberá máis...¡Boas Festas!

O NOSO MAGOSTO

Polo San Martiño castañas e viño.

Castañas, noces e viño fan a ledicia do San Martiño.

San Martiño vai ao magosto e mata o porquiño.

   Coa festa do magosto recordamos que a castaña era a base da alimentación en Galicia antes de que chegaran, no século XVI, a pataca e o millo desde América.  A castaña empregábase na cociña tanto fresca como seca ou moída en forma de fariña.

   O 12 de novembro, despois do san Martiño, celebramos o noso magosto particular.  Asamos as castañas e as metemos nun pequeno "bolsiño" que fixemos na clase con cartóns de leite e tiras adhesivas.  Outros fixeron cucuruchos e pegáronlle viñetas de comics.  Esperamos que vos guste o noso magosto.

O OUTONO NO TERCEIRO CICLO

Estes son os murais que os alumnos de 5º e 6º fixemos do outono. Despois engadímoslle as nosas fotos cos nomes.

A NOSA EXPOSICIÓN

     Despois de falar do outono, despois de debuxar os seus froitos, chegou o momento de palpalos, observalos, poñerlles nome e incluso algúns nos atrevemos a degustalos.
     E,...como non!  fixemos unha exposición con eles.
     ¿Gústanvos as nosas cabazas?¿A que son moi divertidas?

SAMAÍN

           E avanzando no outono, chegou o Samaín.
           Nos tamén celebramos a nosa "colleita" particular.  O verán xa quedou atrás definitivamente e gardamos reservas para o inverno.
           O Samaín da paso tamén ao Ano Novo das bruxas.

FROITOS DE OUTONO

Cos dedos non me abres

cos dentes tampouco

e cun crebanoces

rómpesme pronto.

Son a...

Unha vella

con mil fillos

e a todos

lles pon camisa.

É a ...

  Poderíamos poner moitas adiviñas, tantas como froitos de outono.  En Infantil e 1º ciclo de primaria estamos aprendendo os seus nomes. 

   EU CHÁMOME...

OUTONO

 Laranxas e ocres,

marróns e vermellos,

así te vemos OUTONO

as nenas e os nenos.

Moi pouco verde,

época dourada

tráesnos a vendima

e a terra mollada.

Coa túa chegada

despedimos o verán

e pouquiño a pouquiño

nos animas a traballar.

E deixámosvos aquí un pouquiño do noso traballo

PRESENTACIÓN

Di a historia que na "Fonte dos frades" xurdiu Santo André de Comesaña.
Din que máis tarde existiu alí un mosteiro do que xa non quedan vestixios.
Nós aspiramos a ser unha fonte perpetua; unha fonte de inspiración, de inquietudes, de curiosidade...  Unha fonte que mostra o seu caudal a través das actividades propostas polo equipo de Normalización Lingüística do Ceip Párroco don Camilo.
¡Benvidos! Esperamos contar con vos durante o noso camiño.