O PAXE REAL VISITOUNOS NO PÁRROCO

O derradeiro día antes das vacacións de Nadal tivemos a sorte de que veu visitarnos o paxe real ao Párroco. E iso que de seguro que debía estar máis atarefado do que o estabamos nós.
Nesas días tivemos moito traballo nas aulas preparando as cartas: debuxamos, pintamos, recortamos, pegamos, escribimos, lemos, imaxinamos, desexamos.... e tamén agardamos impacientes ata a súa chegada.

O rei mago ven ao Párroco - Kizoa Movie Maker

O NOSO FARO DO NADAL

Como este curso estamos a traballar o Proxecto documental Integrado "Galicia de faro a faro" a nosa decoración navideña non podía máis que rendirlle unha homenaxe a estes guardiáns dos mares. Asi foi como no Nadal, e seguindo as indicacións de "libroucho", fixemos unhas tarxetas navideñas que escondían no seu interior minirrelatos e que levamos logo para as nosas familias como agasallo lector. Deste xeito decoramos a entrada do colexio e o que creamos foi un precioso faro: " O faro do Párroco".

UN MAGO PARA INFANTIL E 1º,2º,3º E 4º DE PRIMARIA

Antes das vacacións tódolos nenos de infantil e os nenos e nenas de 1º,2º,3ºe 4º de Primaria tivemos a sorte de disfrutar dos trucos e ocorrencias dun mago que nos visitou. Non, non, aínda non eran "os magos" de verdade, os Reis magos, pero puidemos desfrutar da maxia e ir facendo boca!!.

entradamagoinfantil - Kizoa Movie Maker

EXPER-I-CIENCIA. Sal de mesa nos océanos.

O 17 de decembro, os alumnos de 5º e 6º tivemos a gran sorte de compartir unha charla e varios experimentos con tres científicas do Departamento de Oceanografía do Instituto de Investigacións mariñas de Vigo. Partindo de preguntas de se era igual o sal que usamos para cociñar que o da auga dos océanos?, que ocurría coa súa temperatura?, se era a mesma en Galicia que no Polo Norte?. Despois mediante sinxelos experimentos con auga de diferentes cores, explicáronse os procesos que afectan á formación das correntes mariñas, dende escalas pequenas (como as rías galegas) ou a escalas planetarias (como os icebergs dende os polos). Aprendimos como estas correntes son fundamentais para a vida de moitos organismos mariños. Foi un obradoiro a mar de interesante!.

Obradoiro de ciencia 5º e 6º - Kizoa Movie Maker

Os nenos e nenas de 2º imos ao teatro

Onte os nenos e nenas de segundo tivemos a oportunidade de disfrutar con todos os sentidos da arte, nesta ocasión no teatro. Marchamos do colexio moi ledos sabendo que nos dirixíamos ao teatro Afundación para ver unha preciosa fábula "Lío en la granja" no formato de teatro de monicreques da compañía A Baldufa. Quedamos marabillados coa calidade da función, a preciosa mensaxe que nos ensinou a fábula, a coidada escenografía, a música..... Asi que xa sabedes, se queredes disfrutar da arte, o teatro sempre é unha boa idea!!

Lío en la granja - Kizoa Movie Maker

SAÍDA DOS NENOS DE 1º AO CENTRO DE VISITANTES DAS ILLAS ATLÁNTICAS

Xa que no cole estamos inmersos nun proxecto sobre as bisbarras da nosa comunidade: “Galicia de faro a faro”, aproveitamos para coñecer un pouquiño mellor a flora e fauna das nosas illas facendo unha saída ao centro de visitantes do Parque Nacional das Illas Atlánticas de Galicia. Ao chegar recibiunos Martiño, un corvo mariño moi simpático, que nos axudou neste percorrido ensinándonos algunhas características do relevo do parque Nacional (cantís, praias, bosque…) así coma dos fondos mariños onde se atopan  incribles tesouros naturais (morenas, polbos, estrelas de mar…). Por outra banda tamén presentounos algúns dos seus amigos coma os chocos, as gaivotas, os ourizos…

A verdade é que nos quedaron moitas ganas de achegarnos a algunha das illas; algúns xa estivemos, pero mesmo prestábanos volver.

Saída Illas Atlánticas - Kizoa Movie Maker

VISITA AO CONCELLO DE VIGO

O 2 de decembro, os nenos e nenas de cuarto, quinto e sexto de primaria foron de visita ao Concello de Vigo. En dúas horas de percorrido aprendimos como entre 1200 e 1300 funcionarios traballan nos diferentes departamentos. Na planta baixa, chamada "lonxa" está a zona onde se poden resolver moitas xestións cidadáns, de tráfico, pagamentos de lixo e contribucións... Tamén estiveron na Sala de Plenos onde reúnense os concelleiros xunto co alcalde "Abel Caballero", nomeado nas eleccións municipais polos vigueses maiores de 18 anos. Despois estivemos noutra sala de conferencias e baixamos ao sótano onde se fan cursos de baile galego para rematar a saída, coa visita aos laboratorios e a sala onde se controla todo o tráfico de Vigo.

SAIDA CONCELLO 4º, 5º E 6º - Kizoa Movie Maker