CONVIVENCIA DO DÍA DA PAZ 2016

Logo de traballar eses días arredor da temática da Paz nas aulas e de deixar a nosa pegada no mural. O venres 29 de xaneiro xuntámonos todos no ximnasio do colexio para adicarlles aos nenos do mundo un chisco de esperanza e ánimo cos arrolos que lles cantamos, as composicións que tocamos coas frautas, os poemas que recitamos e ata coa animada canción cantada por todos en inglés. Aquí tendes unha mostra do que foi ese fermoso día.

DÍA DA PAZ 2016 - Kizoa Movie Maker

MURAL NO DíA DA PAZ 2016

Este ano queríamos adicarlles no Párroco o día da Paz a tódolos nenos e nenas que están a sufrir as consecuencias das guerras no mundo. Especialmente aos nenos e nenas refuxiados.....

Nós ainda que somos moi cativos, podemos facer moitísimas cousas para cambiar o mundo e facer que sexa un mundo mellor.....xa o falamos nas aulas cada día, aínda que as veces se nos esquece un pouquiño...

Pero para celebrar este fermoso día de convivencia e colaboración entre todos e grazas as indicacións do mouchiño de biblioteca fixemos un precioso mural que podedes ver na entrada do colexio. 

Esa foi tan só unha pegada que quixemos deixar nese día de esperanza, adicándolles a tódolos nenos do mundo una estrela chea de reatratos, os nosos, os deles,  xunto cun poema do homenaxeado nas Letras Galegas deste ano Manuel María  "A estrela se nome" toda ela rodeada de sons e arrolos inventados, vividos, soñados. Moitas grazas as familias pola vosa achega e colaboración.

Obradoiro "Doce de mazá" con 5º e 6º de primaria.

      Aproveitando que este ano tivemos varias semanas con "Froita na escola", o 26 de xaneiro, 5º e 6º de Primaria fixemos un obradoiro con froita de inverno, para ver o proceso de elaboración do "Doce de mazá".

       O proceso o resumimos nunha ficha técnica con sete puntos básicos para completar. 1º Nome do produto 2º Descripción 3º Listaxe de ingredintes 4º Descripción do proceso de elaboración e o seu modo de preparalo 5º Tempo de cocción 6º As condicións de almacenamento 7º A duración e a vida útil do produto.

       O mellor de todo foi o momento de probar o doce enriba dunhas tostas. Estaba riquísimo!

Obradoiro doce de mazá con 5º e 6º de P - Kizoa Editar Videos - Movie Maker

FROITA NA ESCOLA XANEIRO 2016

Un ano máis no Párroco queremos fomentar o hábito de consumo de froita entre os nenos. Deste xeito solicitamos o programa Alimenta-T Ben da Consellería de Medio Rural. Desta vez, na semana do 18 ao 22 de xaneiro tomamos de merenda: plátanos, laranxas, mazás, peras e amorodos. Aquí tendes una pequeña mostra do moito que lles gusta a froita aos nosos cativos.

Frota na escola xaneiro 2016 - Kizoa Movie Maker

Premendo na seguinte imaxe podedes acceder a un xogo.