DÍA DE ROSALÍA DE CASTRO

Con motivo do 179 aniversario do nacemento de Rosalía de Castro, o mércores 24 de febreiro foron varias as actividades que fixemos no Párroco para celebrar ese día.

Nada máis chegar ao colexio, atopamos unha sorpresa nas nosas aulas, era unha invitación do mouchiño da biblioteca para xuntarnos alí e ler, cantar, ou recitar unhas verbas.

Así que nas aulas estivemos investigando e coñecendo un pouco máis a vida e obra da poeta maior de Galicia, limos poemas, fixemos debuxos e levamos para as nosas familias unha tarxeta postal cunhas verbas do poema "Alborada" de Cantares Gallegos, sumándonos deste xeito á proposta da  Asociación de Escritoras e Escritores en Lingua Galega (AELG) para conmemorar unha vez máis o Día de Rosalía de Castro.

              Canta, paxariño alegre,

canta!

Canta porque o millo medre,

canta!

Canta porque a luz te escoite,

canta!

Canta que fuxeu a noite.

Logo xuntámonos na biblioteca onde os nenos e nenas de 5 anos recitaron a ritmo de rap un anaquiño do poema "Lugar tan fermoso" e os nenos e nenas de 2º A recitaron un cachiño do poema Alborada e mesmo o cantaron acompañados da música do libro-disco "Rosalía pequeniña" de Uxía. 

DÍA DE ROSALÍA 2016 - Kizoa Movie Maker

Camiña con nós pola igualdade en 2º de primara

O luns 22 de febrerio os nenos e nenas de 2º participamos dunha actividade do programa "Camiña con nós pola igualdade" promovido pola Concellería de igualdade do noso Concello.

A Elsa xa a coñeciamos de cando estabamos en infantil, e recordounos que todos somos únicos e exclusivos e que todos temos os mesmos dereitos e debemos ter as mesmas oportunidades para poder acadar e falar de igualdade. Falamos moito do asunto, uns o tiñan máis claro ca outros e para comprendelo mellor fixemos un xogo con imaxes onde todos participamos e expresamos as nosas opinións.

Camiña con nós pola igualdade 2º primaria - Kizoa Movie Maker

ENTROIDO 2016

O venres 5 de febreiro celebramos o Entroido no colexio. Xa que a temática do P.D.I. deste curso é "Galicia de faro a faro", nas aulas deixamos voar a nosa imaxinación e ocorreusenos disfrazarnos de todo: peixeiras, mariñeiros, sereas, pescadores, fareiros, socorristas, redeiras, mariscadores.....e ata do mesmiño mar.
Grazas as familias que puidestes acompañarnos neste día. Para os que non puidestes vir, polo menos aqui tendes unha mostra do que foi o desfile, o baile do "Cocodrilo" e as coplas que fixeron os maiores do colexio. Agardamos que disfrutedes das fotos, tanto coma nós o fixemos ese día.
Saudiños.

Entroido 2016 - Kizoa Movie Maker

RECURSOS PARA O ENTROIDO

Xa que se achegan as vacacións de entroido e por se entre troula e troula tendes un anaco de tempo. Deixámosvos un enlace a diversos recursos para traballar esta temática.