mércores, 28 de decembro de 2016

NO PRIMEIRO TRIMESTRE PLANTAMOS BRECOL

Durante este trimestre, os alumnos de 1º de Primaria plantamos brecol no horto escolar. Primeiro preparamos a terra e fixemos os buratos. Despois cada un plantaba no burato a planta con un pouco de abono. Para rematar tapamos o burato e botamos un pouco de auga. Agora, a esperar que o ciclo se cumpla e os miremos medrar.









sábado, 24 de decembro de 2016

BO NADAL!

OS REIS MAGOS NO PÁRROCO

Sobre os Reis Magos todos sabemos que veñen na noite do 5 de Xaneiro, pero nestes tempos modernos é doado que un deles colla un avión e veña facernos unha visita para recoller personalmente as nosas cartas e sobre todo preguntar directamente se todo o mundo se portou como se tiña que portar. Eso foi o que fixo o Rei Gaspar, quen escolleu achegarse ata o noso cole o mércores 21 e escoitar as peticións dos nosos nenos. Tódolos pequenos dun en un (ata os de primeiro!) sentáronse no seu colo para sentilo ben preto e darlle unha boa aperta. Nós os adultos -e tódolos pobos, vilas e cidades de Galicia con nós- temos medrado con esta tradición que nalgúns momentos parece que vai ser engulida por outros personaxes de fóra. Dende aquí invitámosvos a manter acesa "a lús" dos Reis Magos e conserva-lo noso. Invitámosvos a manter a ilusión dos nenos ata o final das vacacións, ainda que teñan alguna cousiña antes para se entreter. Non lles vai facer ningún mal aprender a esperar.! E para xogar sobra o resto do ano! Velahí tendes as fotos.

TRADICIÓNS GALEGAS: O APALPADOR

O Apalpador representa a tradición máis senlleira da conca alta do Miño, na zona do Courel, e baixa a apalpar as barriguiñas dos nenos na noite do  21 de Nadal. No cole desfrutamos do seu bó facer todos xuntos en dúas sesións matinais o martes 20; primeiro os máis pequenos e despois os maiores. Mágoa que estivera un pouco maliño...e que no inverno xa se sabe!. Aínda así conseguiu tirar por nós e facernos desfrutar coas súas cousiñas. Foi un intre verdadeiramente máxico. Aquí deixámosvos as fotos.

mércores, 14 de decembro de 2016

Charla sobre cetrería

Hoxe Rubén, o pai de Lucía e Sara, veu ao noso colexio para darnos unha charla sobre cetrería e presentarnos as aves que adestran: Odín e Perla.  Odín é un fermoso azor e Perla é o falcón que está a adestrar Lucía.
Contounos cousas moi interesantes destas fermosas aves relacionadas tanto coas características, formas de vida, orixe coma outras moitas curiosidades. Amosounos esqueletos de bicos de aves e respondeu a todas a preguntas que lle fixemos. 
Ao final Lucía fíxonos unha demostración dos adestramentos que fai co seu falcón Perla.  Púxose ao final do ximnasio onde nos atopábamos e todos quedamos en absoluto siilencio, logo asubiando chamou a Perla entón o falcón chegou voando a pousarse na súa man. 
Lucia noraboa polo traballo o fixeches moi ben! Graciñas a Rubén e as súas aves por compartir connosco esta afección
.

venres, 2 de decembro de 2016

O Apalpador

Como estamos en decembro e xa chega o tempo do Nadal aqui tendes unha canción sobre un personaxe moi especial: o Apalpador.






xoves, 1 de decembro de 2016

OBRADOIRO DE CIENCIAS

Este luns, 28 de novembro, recibimos a visita na nosa escola dun home chamado Marcelo que nos desvelou os segredos da pasta de dentes: os seus ingredientes, para que serve cada un deles, o seu uso... e así fixemos coas nosas propias mans unha estupenda e ecolóxica pasta dentrífica. Encantounos!